திருநெல்வேலி வந்தடைந்தது வந்தே பாரத் ரயில்… நாளை சோதனை ஓட்டம்..

திருநெல்வேலி – சென்னை இடையே வந்தே பாரத் ரயில் இயக்கப்படும் என அறிவிக்கப்பட்டிருந்த நிலையில், வந்தே பாரத் ரயில் இன்று திருநெல்வேலி வந்தடைந்தது.

வரும் 24ஆம் தேதி முதல் திருநெல்வேலி – சென்னை இடையே வந்தே பாரத் ரயில் இயக்கப்படும் என அறிவிக்கப்பட்டிருக்கிறது. இதற்கான சோதனை ஓட்டம் நாளை நடைபெற உள்ள நிலையில் இன்று திருநெல்வேலி வந்தடைந்தது வந்தே பாரத் ரயில்.

நாளை காலை 6 மணிக்கு திருநெல்வேலியில் இருந்து புறப்படும் வந்தே பாரத் ரயில் மதியம் 1.50 மணிக்கு சென்னை எழும்பூரை சென்றடைகிறது. மறு மார்க்கத்தில் மதியம் 2.40 மணிக்கு சென்னையில் இருந்து புறப்படும் வந்தே பாரத் ரயில் இரவு 10.40 மணிக்கு நெல்லை வந்தடைகிறது.

இதையும் படிங்க : நெல்லை – சென்னை இடையிலான வந்தே பாரத்.. எப்போது தொடக்கம்? நேர விவரங்கள் இதோ!

24 ஆம் தேதி திருநெல்வேலியில் நடைபெறும் விழாவில் அரசு பிரதிநிதிகள் கலந்து கொள்ளும் நிலையில் காணொளி வாயிலாக பிரதமர் நரேந்திர மோடி ரயில் சேவையை தொடங்கி வைக்கிறார்.